ترم دراسى كامل بفكر فى حاجة واحدة بس ,
ازاى هاعدى من امتحان الميكانيكا !!!
ملايين الخطط التى تم وضعها محاولا تخيل
السيناريو هايبقى شكلة اية جوة اللجنة , وتفكير و مذاكرة وخيالات مرعبة لو ماعرفتش
احل او شلت المادة او الامتحان جة صعب وملايين الاسئلة اللى ماكنتش لاقى ليها
اجابة
وكانت المفاجاة
الامتحان جة والمفاجاة الاكبر انى الحمد لله
حليت حلو وحلو اوى كمان فوق كل توقعاتى وعلى غير العادة خارج وانا عندى يقين انى
هانجح فى المادة دى بأذن الله
بس اتصدمت اوى وانا على باب اللجنة وخارج
مروح
طب انا هاروح اعمل اية ؟؟؟؟
امتحان الميكانيكا عدى خلاص ومش هاشوف
الميكانيكا تانى
طب اعمل اية طيب؟؟؟ ارجع اللجنة تانى
؟؟؟!!!
طب اروح اكمل مذاكرة عادى كأننى ما امتحتنش
حاجة وماحدش واخد بالو بقى
بجد فضلت افكر لحد ما دخلت فى حالة احباط
غبية لسة مسيطرة عليا لحد دلوقتى
الهدف الوحيد اللى كان فى حياتى , انجزتة
على خير وجة
طب وبعدين ؟؟؟
فى اللحظة دى بس صدقت الحدوتة اللى سمعتها
زمان عن اول رواد فضاء طلعوا القمر , كانوا شغوفيين جدا بالقمر والطلوع وتخيل منظر
القمر من فوق وكل التفاصيل الدقيقة وفعلا طلعوا القمر وعملوا اللى كانوا بيحلمو
بية
بس لما رجعوا الارض, نصهم دخل مصحات نفسية
من كتر الاحباط والنص التانى انتحروا !!!
It really hurts when u achieve all ur dreams and suddenly ur life just end up being so empty !
ردحذفعارف هتعمل ا يه ؟؟
هتذاكر المواد التانية وهتكمل الامتحانات وهتحل كويس أوى والأهم من ده كله أنك هتلاقى هدف تانى أكبر من امتحان ميكانيكا نفسك تعديه .... أصبر .. دوٌر .. ابتسم .. وهتلاقى اصلا :)
أكيد المدونة نورت بيا اصلا أنا عارفة (H) شكرا شكرا :D
العلاقة اللى كانت بينى وبين الميكانيكا اكبر من علاقة شخص بهدف , دى عشرة عمر , امتحانات كل سنة مالهاش معنى من غير وجود الميكانيكا فى وسطها
ردحذفاما موضوع الابتسام دة فأنا بتطلع عنى اشاعات انى اهبل من كتر ما انا على طول مبتسم :D
وبلا شك سعادتك نورتى المدونة , خطوة عزيزة يا مس لوزة
عيني عليك يابني هتروح العباسية :(
ردحذفكنت هشيعلك النهارده عشان ترفع معنوياتي بعد أول امتحان اعك فيه ف الماث ف حياتي
بس ربنا انجدني بقى وابتسمنا للحياة...والكيميا جاي احسن على رأي تمورة..والعيشة بيس جدا :D :D
المهم مبروك الميكانيكا مقدما ويارب يكرمك ف الباقي
طب دة انا كنت مستنى مرسالك :D
ردحذفعشان اشجعك و انتى عارفة انى خير من يشجع
عموما عادى كلنا اخترعنا رياضة جديدة فى اول امتحان لينا فى هندسة فدة العادى ,
و اللى جاى احلى على رأى الاستاذ المخضرم تامر حسنى
هي الميكانيكا ورايا ورايا ؟
ردحذفانا بحب الرياضة جداااااا بس بتخنق م الميكانيكا
مش علشان حاجة بس علشان بتفكرني بالفيزيا
وانا بــــكــــــــــــــــــــره الفيزيا
اية دة بجد ؟؟ مش بتحبى الفيزيا ؟؟ حرام عليكى !!!
ردحذفدة الفيزيا دى اجمل حاجة فى الدنيا