الأربعاء، 11 يناير 2012

اعتذار رسمى بس مش اوى يعنى


اعتذار كبييييير اوى لكل شخص عرفنى كويس و عاش فى حياتى فترة و اعتذار اكبر لأصحابى المقربين احمد و مصطفى و محمد و ابراهيم 
ايها السادة , انا اسف ...
انا اسف لانى عارف انى شخص لايطاق , شخص رخم لأبعد الحدود , شخص صنعت منة كثرة ما قرء من كتب شخص عنيد بالدرجة الكافية لآنهاء اى حوار جانبى لمصلحتى , 
صدقونى غصب عنى , و اسحتملونى بقى لان انتو اصحابى 
انا عارف ان انتو مش مجبرين على كدة !!
بس هاقولكم ان صداقتى دى ابتلاء " و المؤمن مبتلى " خيليكوا مؤمنين سيكا بقى 
عارف انى مش مرح و كئيب , عارف ان حواديت الشباب المعتادة مش بتشدنى عشان كدة بفضل نص القعدة ساكت و النص التانى بتكلم فى حاجات مش بتجذب انتباة حد منكم لانها حاجات معظمكم بيشوفها مملة 
دار الاوبرا , و البولشوى ,  و واسينى الاعرج اللى احمد بيكرهة رغم انة عمرة ما سمع عنة غير منى انا !!
و الفيزيا , و موزارت , وسيرن  و قدسية اينشيتين اللى ها يفضل فى نظرى العالم اللى جة العالم من غير ما يغلط غلطة واحدة فى حق العلم 
انا اسف يا جدعان , خليكوا حلويين بقى و ماتزعلوش منى لو قفشت على واحد منكو مرة او اتحمقت لوجة نظر معينة انا معتقد انها الاصح 
بس وحياة ابوك منك لية ما تسقوش فيها :D
و افتكروا دايما كلمتى الشهيرة........
" انا اجتماعى جدا اذا لازم الامر , اما اذا لم يلزم فأنا ممل حد الانتحار " 
شكرا على حسن الاستماع 

هناك 4 تعليقات:

  1. لا انا مش قابل اعتذارك ده :( وانت عارف عايزنى اقبل اعتذارك يبقى لازم عزومه :P

    ردحذف
    الردود
    1. عزومة ؟؟؟ يعنى اية عزومة ؟؟؟ !!!! هههههههههه
      انت عارف انا لسة جاى من الهند حالا والعربى بتاعى بعافية سيكا :D

      حذف
  2. انت كدة بتحطنا فى موقف الاغبياء واذ كاننا ملناش فى الثقافة يعنى ومعلش بقى ما انا برضه لي فى اينش بتاعك حاجات الزمن اللى انت مش مصدقها...واختم كلامى بانى عايز عزومة زى مصطفى :D

    ردحذف
    الردود
    1. عايز عزومة زى مصطفى ؟؟ طب روح خلى مصطفى يعزمك بقى :D
      الهرى اللى انت كنت بتقولة مالوش علاقة بأينش اصلا :D بس ماعلينا هاعديهالك عشان انا فى تدوينة عن التسامح وبتاع لكن برة التدوينة , هاوريكو يا كلاب

      حذف