بما انى شخص رخم , لذلك قررت انى انصح
الناس عشان مايبقوش رخمة زى كدة
نصحية صغيرة بس احب اوجهها للشباب
بص يابنى انت وهو , مش كل بنت تبتسم فى وشك
بدون سابق معرفة , تبقى واقعة وهتموت عليك ومش قادرة تقاوم وسامتك الفتاكة
ستوووووب !!!
عادى على فكرة و بتحصل فى اكبر العائلات !!
هى بس متحضرة زيادة عن اللزوم وسعادتك مش واخد بالك وعامل فيها ديك البرابر ( رغم
جهلى من هم البرابر !!! )
نصيحة اصغر بها احب اوجهها للبنات
بص يابنتى انتى وهى , مش كل واحد يجى يتكلم
معاكى او يفتح حوار ما معاكى يبقى هايموت عليكى ومش قادر يعيش من غيرك وانة لو
انتى ماردتيش علية او نفضتى هايروح ينتحر يوم الجمعة بعد الصلاة
ستووووووووب!!
بردو عادى وبردو بتحصل !! كل ماهنالك انة
عايز يكشف الغاز الجنس الاخر ويعرف عن بنات جنسك من خلالك انتى مش عشان اى حاجة
تانى , واخدة بالك انتى من اى حاجة تانى دى ؟؟؟!! زى بالظبط الفضول اللى جواكى
تجاة كشف اغوار الرجل !!
فى المجتمع الانسانى بيهفو كل جنس الى
الاخر بشكل تلقائى وغير مدروس وتحار فى دراستة العلوم والعلماء , لذلك يتوجب على
كل فرد من كلا الجنسين ان يكون اكثر مرونة وتفهما لطبيعة البشر و مقابلة
الاحتياجات الملحة بشئ من العقل والتدبر وليس الكبت المباشر الذى يولد انفجارا على
المدى البعيد حينها سيكون العلاج مستحيلا و الجروح اعمق من ان تطيب بفعل الوقت او
يداى امهر الاطباء
ليست هناك تعليقات:
إرسال تعليق