انا زهقت من كتر الطبطبة على الناس
على الحلو اطبطب وعلى الوحش اطبطب
على اللى معايا فى الرأى اطبطب واللى مخالفنى فى الراى اطبطب
زهقت بجد ...
طظ بقى
عايز اعمل حوالين نفسى دايرة و اكتب عليها من برة , لو هاتخلفنى فى
الراى او تجادل وتوجع دماغى يبقى ماتجيش تتكلم معايا احسن
واللى يزعل يزعل بقى , انا مش هاضيع عمرى و وقتى عشان اقنع حد
بحاجة
اللى عايز يقتنع بحاجة يروح يقتنع بيها بعيد عنى وعن دماغى
انا اعصابى ماعدتش مستحملة اى فقع او تعصب او جدال عقيم
حتى ابسط مبادئ الديموقراطية اللى دايما بنادى بيها , خلاص هاتخلى
عنها
معنديش استعداد اعمل غير اللى فى دماغى
صح بقى ؟؟ غلط ؟؟ مش موضوع حد , ومحدش يجيى يحاسبنى ويقولى فى
مواعظ
لان خلاص اكتشفت ان المصريين بقوا بيحبوا يتكلموا وخلاص
اى كلام فى اى كلام و اى فتى وخلاص
الفتية من دول تنزل السوق وتلاقى كل واحد بياخدها ويعالجها بطريقتة
وبعدين يطلعلك بالفتية المتينة
و وقت الجد متلاقيش حمار من دول جنبك و بردو مش هاتسلم من لسانة
حاجة تقرف فعلا
اللى فاهم بيتكلم واللى مش فاهم بيتكلم وكلو بيرغى وخلاص , ماحدش
عارف هو عايز اية من ورا كلامة , رغى لذات الرغى
وكما قالها الرائع جمال بخيت " دين ابوكم "!!!
بصراحة انا ارتحت نفسيا لما كتبت الكلمتين دول ومعلش بقى لاى حد هايقرى
الكلام دة , استحملونى!!
انا ببقى رخم سيكا لما بتخنق
عندك مرارة واحدة فقط .. خد بالك منها
ردحذفلا يا رضوى , انا لازم اشوف مكان بيبيع مرارات لان المرارة اللى حيلتى خلاص اتهرت من كتر الغباوة D:
حذفع فكره انا طلعت بحاجه واحده من موضوع الجدال والمناقشات الكتير دى
ردحذفانك صعب اوووووى انك تغير معتقدات غيرك وافكاره .. كل اللى بتخرج منه من النقاش هو صداااااااع
فاحسن حاجه انك تقول رايك وتقوله انا مش منتظر انك تقتنع بيه بس ده راى وتسكت ارررررررررريح
وع فكره انا لما ببقى عارفه ان دخولى ف نقاش مش غيغير اى حاجه بسكت خالص اريح
بس ف احيان الكلام بيستفزنى لدرجه فظييييييعه فبضطر اوجع دماغى وادخل المعركه بقى :D
انتى الكلام بيستفزك فى حيان !! انا الكلام بقى بيتفزنى على طول
حذفوحتى ماعدتش مهتم اعرض وجهة نظرى لحد
لذلك انا قررت انى افكس لكل الناس اللى بتجيبلى صداع
نورتينى يا دعاء ((:
:)
ردحذفالفكرة إنك تختار اللي تتكلم معاه عشان تبقوا على نفس النقطة .. والناس اللي بتمتاز بالغباوة دي سيبها بغباوتها والله محد هينضر منها أكتر منهم :D
وبجد عجبتني حتة مفيش حمار منهم بتلاقيه واقف جنبك وبرده مش هتسلم من لسانهم
:D
وما بالك لو كانوا بنااااات :S :S
وبعدين الحوار أو النقاش في نقطة هدفه أصلاً إننا نستفيد من بعض ونفهم بعض مش إن كل واحد يبقى معاه شومة من الآراء الفذة ولازم يفتح دماغ اللي قدامه ويحط فيها نفس الزلط الفكري اللي موجود ف دماغه
أنا برغي كتير عشان جاية عالجرح
متدايقش نفسك :D
ماهى دى المصيبة , انى دايما بيقع فى بختى بشر دماغها جزمة قديمة وغالبا ببقى ما اعرفهمش اصلا وتلاقى بقى كمية تحجر على الاراء غريبة
حذفومافيش اى مجال لانهم يطلعوا غلط دة بقى غير سياسة التخوين والتكفير والهجرة D:
انا بالنسبة ليا البنات بيبقو مهاودين اكتر , يعنى حتى لو مش عاجبها الكلام او حست انها غلط , تسكت مش تفضل تهرى وخلاص
اما عن الرغى كتير , فشطة يعنى (: , انتى فى بيتك ((:
احسن
ردحذفوانا طبعا مش هكومنت بأي نصايح وكلام كتير علشان لما بكون في الحالة دي مش بحب حد يفضل ينصحني ويقول لي انتي غلط ولا صح
لانه بيكون شوية كلام بنطلع الخنقة اللي جوانا وخلاص ومش شرط يعكس طريقة تفكيرنا
ومش شرط برده نكون مقتنعين بالحل اللي قلناه ف وسط الكلام واللي غالبا بيكون تقفيل لكل السكك .. هو بيكون مجرد حل وقتي لحد ما نهدى
بس عموما انا برده بيستفزني كل كلام الناس وخصوصا اللي مش فاهمين حاجة ف حاجة بس بيتكلموا وخلاص
علشان كده بقيت بقول دايما " I donot care " واللي مش عاجبه فعلا طظ
تحياتي ليك :)
انتى كدة جبتى من الاخر فعلا !!!
حذفوفعلا انا كنت وصلت لمرحلة انى بقفل كل سكك الكلام مع الشخصيات اللى تفقع
نورتينى جدا جدا ((:
تحياتى ليكى ..
أنت مش مجبر تعمل أى حاجة من دول اصلا
ردحذفالفكرة فأنك تكلم حد مختلف معاك فالرأى هى أنك ممكن تكتشف أنك أنت الى غلط
وممكن تزود حاجة من كلامه على وجهة نظرك
يعنى الموضوع مش وحش أوى زى ما أنت بتقول لا ده ليه كذا ميزة
كمان حاول تختار الناس الى بتفهم علشان تتكلم معاها .. مع أن الاغبيا كثيرا ما يفيدوا اصلا
ومحدش هيضربك على أيدك ويقولك أقتنع برأيى زى ما الى قدامك مش مجبر أنه يقتنع برأيك
هههههههههههههههههههههههه أيه رخم سيكا دى اصلا ! عليك كلااااام فظييييييع هههههههههههههههههههه
أه نسيت أقولك ألف بعد الشر عن الفانلة :P :P
ها ها ها D:
حذفانا قضيت وقت كتير اوى فى موضوع تنقى الناس اللى بتتكلم معاهم , وانت مش مجبر , و ماحدش هايضربك , بس للاسف دايرة المعارف كل يوم بتوسع عن التانى و بتتملى بأشخاص يفقعوا و بتبقى مضطر انك تدافع عن وجهة نظرك
اية سيكا مش عجباكى ؟؟ طب بس انتى بكل كمية ال أصلا اللى انتى هغرقة بيها البلوجات كلها P:P:
لا الفانلة دى مش بتاعتى دى بتاعت وليد طاهر D:D:
بس أنت مش مضطر أنك تقرب الناس الى يفقعوا دول منك
حذفأعرفهم من بعيد وبس
أه مش بحبها لا هى ولا فحت دى هاه أنا حرة :P
اصلا بقى اصلا دى كميييييلة :P
خلاص خلاص هبقى أكلم وليد وأقوله بنفسى (H)
عارفة يامها لو كان بمزاجى , كنت عملت كدة , بس الكارثة انو بيبقى مش بمزاجى :(
ردحذفو سيكا بتضايقك ؟؟ طب سيكا .... سيكا !!! P:
قالك اصلا كميلة ؟؟!! ازواق P:
و ابقى اسئلية هو مش ناوى ينزل كتاب جديد بالمرة بقى !!
معاك ملييييييييييييييون فى الميه اضرب اى حد يوصلك للحالة دى بالجزمة بقى علشان دى بقت حاجة تقرف بجد بس عارف لما بتبخ فى حد مش بيعملها تانى يعنى مع المزاولة للطريقة دى مع الوقت مش هتلاقى حواليك حد كدة تانى
ردحذف