اسف جدا جدا جدا
طبعا الاعتذار دة مش ليكوا انتو !!! D: انا بعتذر
للمدونة بتاعتى عن انى غيبت عنها كل دة و طبعا هى
زمانها فاكرة انى عرفت عليها مدونة تانية و نسيتها !!! بس والله يا مدونتى العزيزة الدنيا تلاهى
و ميبقاش قلبك اسود بقى !! الصلح خير دة احنا حتى داخلين على رمضان
و كل سنة وانتو كلكو طيبين , دى ليكوا انتوا بقى , عشان ماتزعلوش
بفكر اعمل حاجة جديدة فى رمضان دة
حاجةغير تقليدية( باب الاقتراحات مفتوح على فكرة )
بقولكوا اية !!! عايز ابداع , عايز اختراعات تجيب حسنات بالهبل D: انا اصلا شخصية مادية D:
يالا بقى فكروا و ردوا عليا
وكل سنة وانتو طيبين يا بلوجرز
بالمناسبة دة اول رمضان أأقضية فى وسطكوا :))
الاول حمدالله على السلامه
ردحذفوكل سنه وانت طيب
الجديد اللى تعمله فى رمضان بقى
انك تدون كتيير كتييير وتعوض اللى فاتك ده حتى عشان تصالح المدونه يعنى ايه رأيك :D
حمد الله علي السلامه دى ليها علاقه باغنيه مش فاكرة منها غير حمد الله علي السلامه بس ههههههههههههه
ردحذفوانت طيب وبخير ويعود عليك الايام ببركه وكدهو يعنى :)
ههههههههههه دينا عجبتنى فكرتك جدااا علي فكرة بس انا اساسا مش من محبين التدوين في رمضان ليه بقي لانك لو دونت انا مش هعرف ادخل اقرا فهيفوتنى كتير انسف فكرة دينا وخد فكرتى انا :))
بص يا سيدى بقي انت تعمل إيه متعملش حاجه غير وانت حاسسها وحبيبها
في فكرتين اما تشترك مع رساله او صناع الحياه وتوزع شنط رمضان والكلام مستمر لحد اول اسبوع من رمضان
او انك تحضر دروس دينيه لحد بتحبه
انت لو فكرت هتلاقي حاجات كتير اوى ومصطفي حسنى بيقول في رمضان دايما املى يومك بالخييير والعباده متعملش حاجات متقدرش تكملها او تكون في رمضان بس امشي علي جدول تقدر تستمر بي طول السنه كمان فهمنى :)
وليا الاجر والثواب انت تنزل تشحطط وتتعب وانا اخد الثواب انى قولتلك نيهاهاها شر :)
حاول تحفظ قرآن فى رمضان .. :)
ردحذفكل سنة وإنت طيب ورمضان كريم عليك يارب :))