بما انى فاضى ( بس
مش اوى ) فقررت ارخم بقى على نفسى وعلى الناس اللى لسة بتمتحن
قررت ارغى شوية فى
شوية حاجات بحبها
نبدء بالسينما ,
بما انها هذا العالم العملاق اللى ناس بتغلط فية غلطات متداركة دائما و دايما اللى
اتكسر ممكن يتصلح بس فى السينما بس
اكتر عشر افلام
عربى بحبها ( للوقت الحالى ) يعنى ممكن تتغير ادام بس بما انى كائن كلاسيكى فالتغيير
اختيار مش مطروح بقوة
طبعا الافلام مش
مترتبة بس هما جم كدة فى دماغى
ملك و كتابة
اسكندرية نيويورك
اشاعة حب
الناصر صلاح الدين
ارض الخوف
رسايل البحر
تيتو
عن العشق والهوى
السلم والتعبان
حبيبتى
ايوة اخر واحد دة
فيلم بس انا مش عارف هو مش معروف لية على الرغم انة بطلوة محمود ياسين وفاتن حمامة
و متصور كلة فى بيروت , والموسيقى التصويرية بتاعتة عملاقة و واحدة من ابداعاع عمر
خورشيد
و عن اكتر عشر
اشخاص فى العالم بحب اسمعهم بيغنوا
-
سيلين ديون
-
..........
-
............
-
ماجدة الرومى
-
فيروز
-
انغام
-
اصالة
-
كاظم الساهر
-
منير
و طبعا من الواضح
للعيان انى متحيز للستات فى موضوع السمع دة , الله يسامحها بقى سيلين ديون و طبعا
كان لازم اسيب تحت اسمها سطرين فاضيين عشان مافيش مجال للمنافسة اساسا
اما بقى عن
الافلام الافرنجى !!!!! فالموضوع هايطول شرحو شوية
نظرا لان هناك
ثقافات سينمائية كتير فى الغرب و انا بميل لمعظمها زى الثقافية السينمائية
الفرنسية اللى انا بعشقها
فأنا هاقول اسم
الفيلم واكتب جنبة اسم بلدة
Paris I love you فرنساوى
22 bullets فرنساوى بردو
Last night امريكانى
Remember me امريكانى اوى بصراحة بس انا بعشق ام الفيلم دة
بقى
Message in bottle من انضف الافلام اللى شفتها فى حياتى
The reader امريكانى و الواد المخرج بتاعة كان جاحد بصراحة
7pounds امريكانى و
فضلت كتير بترجمها سبعة جنيهة ولكن الحقيقة الفيلم دة معجز بشكل مايتصدقش
Man on fire امريكانى و الحقيقة انى منحاز جدا لاى حاجة
بيمثلها دينزل واشنطن
De javue امريكانى و دينزل واشنطن بردو
The God father امريكانى و الفيلم دة مش مجرد فيلم دة اسلوب
حياة
انا لسة عايز اكتب
افلام كمان بس انا قولت عشرة بس , خلى الباقى فى بوست تانى بقى !!!
و سلامات بقى
احمد الجمال
أنا معرفتش ولا فيلم من اللي انت كتبتهم :D .. مش عارفة المشكلة فيا شكلها .. بس أنا بحب دانزال واشنطن جداا .. ومبشوفش أفلام فرنساوي .. ومقاطعة الأفلام العربي :D
ردحذفوبعدين ليه حاطط منير ف الآخر :( ؟ يا ظالم :D
اية!!!! ولا فيلم ؟؟ طب انا هاعمل نفسى مش واخد بالى من كل القايمة لكن
ردحذفGod father اية بقى ؟؟!!!!! دة اشهر فيلم فى هوليوود كلها !!! اكيد المشكلة عندك انتى كدة D:
وبعدين العربى مش وحش اوى كدة , هى الفكرة ان الحلو فى العربى مش بيحصل كتير يعنى نادرا لما تلاقى فيلم عربى يستحق المشاهدة D:
بس انتى كدة لازم ترجعى افلامك تانى لان شكل فى مشكلة فى قاعدة البيانات عندك او ممكن يكون زوقك مختلف تماما عن زوقى !!! بس بردو ممكن تعرفينى قايمة افلامك المفضلة عشان اعرف هى المشكلة فيكى ولا فيا ولا دة غباء من الاخرين !!!!
على اى حال , انا مبسوط انك عديتى مدونتى المتواضعة :)
لا مهو أصل انت مش فاهم .. مانا عارفة الأفلام بس ولا واحد استهواني إني أتفرج عليه من أوله لآخره .. دايماً حاجة تحصل ومشوفهوش .. وطبعا فيلم The God Father وهم أكيد من غير مقول بس انا لحد دلوقتي مشوفتوش :D:D .. لا تصدق فعلا المشكلة عندي .. أو ممكن غباء من الآخرين :D:D
حذفوأنا مبسوطة إنك أخيراً كتبت حاجة :)
يا ضحى انتى كدة بترتكبى غلطة فى حق السينما وفى حق نفسك !!!
حذفthe god father بجد حرام عليكى , فايتك كتير فعلا , حاولى تشوفية ومش هاتندمى
والله انا بس كنت مسحول فى الامتحانات و دة اللى خلانى مش بكتب كتير لكن بعد هاكتب لحد اما تزهقى منى :))
نورتينى
داخلة اسلم بس اكيد
ردحذفاصل مودي دلوقتي مش تمام خالص الحمدلله
وبقالكوا فترة محدش بيكتب من الناس اللي بحب اقرألهم
دخلت دلوقتي لقيت اكتر من حد كاتبين ومشفتكوش من زمان
ما علينا
المهم
كنت محتاجة فعلا اقرأ لاي حد منكوا اي حاجة علشان بس محسش اني لوحدي
شكرا انك كتبت
واسفة لاني دخلت دخلة غلط
هى الامتحانات منها لله , مبوظة الموود عندك و عند الناس كلها
حذفبس صدقينى مافيش حاجة تستاهل اننا نزعل نفسنا او نبوظ الموود العام D:
حلوة الموود العام دى !!!
المهم انا مبسوط جدا انك شقرتى على المدونة المسكينة بتاعتى :))
وعادى على فكرة الدخلة ماكنتش غلط ولا حاجة هى داخلة مكشرة بس ضحكت بعد كدة فى النص :))
معتقدش الامتحانات هو يمكن بس انا متضايقة علشان مش وقت المود ده خالص علشان اركز في الامتحانات
حذفهو فعلا مفيش حاجة تستاهل؟ ولا احنا بنقول للناس كده علشان نريحهم بس؟
هو المفروض يكون مفيش حاجة فارقة والناس ميتحكموش في مودنا ولا طبيعي اننا بشر وبنتأثر وعواطفنا بتحكمنا ساعات؟
واصلا لو فعلا مفيش حاجة تستاهل
ما هو المشكلة ان علشان " مفيش حاجة " فانا شايفة ان الموضوع " يستاهل"
فاهم حاجة؟
:)
الابتسامة دي على فكرة علشان ميبقاش دمي تقيل بس لكن هي من الكيبورد مش مني
هو انا ينفع اعيط هنا ولا اسيب الكيبورد تبتسم احسن؟
مش عايزة اصلا اعيط
او محتاجة اعيط بس واخدة قرار اني معيطش
خلاص بقى خلي الكيبورد تعيش حياتها
:)
طبعا ندمت انك قلت انه عادي الدخلة دي
تهييسي صعب انا عارفة
sorry
يافندم عنوان البوست مايطلبة المشاهدون , يعنى انطلقى واكتبى اللى انتى عاوزاة D: اما بخصوص موضوع العياط والزعل , فأنا مازلت عند راى ان مافيش حاجة تستاهل ومافيش حد يستاهل بردو ودة كلام بجد مش فض مجالس يعنى !!
حذفو بردو نورتينى :)) و بردو عادى الداخلة دى بل واكتر من عادى كمان :)
انا اول ما قريت كاظم الساهر احترمت كل الموجودين في القائمة ... لان اي اسم بينكنب مع االقيصر لازم يكون له مكانه عالية :)
ردحذفان شاء الله دائما (منطرب) بصوته<<<< لم أجد كلمةاحسن الصراحة
مساء الخير .. :)
ردحذففيه كام فيلم فى الليست دى مشوفتهمش .. بس أنا عموما بحترم أى حد بيحب الكلاسيكيات وبيهتم بالتفاصيل والمزيكا وكدا
مشكلتى مع الافلام الاجنبى إنى مبشوفش منها كتير ومش بهتم أعرف أسماء الممثلين أوى ! ^^
وفيلم 7 Pounds دا تحديدا خلانى أعيط .. وكنت بشوف نهايته يمكن للمرة التالتة النهاردة !
هستنى باقى الليست وياريت تكون مرفقة باللينكات بعد كدا :))
انت متميز بجد فى اختياراتك اوى
ردحذفلفت نظرى من اول ما دخلت البلوج عندى
موضوع سيلين ديون ده :)
هى تستحق اوى بصراحه
ليك اختيارات خاصه جدا عجبتنى
يااااااااااااا افتقد وجودى هنا
ردحذفافتقد الجنون قطيعه الدنيا بتنسي فعلا
المهم انا جايت بقي احم ^_^
سيبك من الامتحانات والمغنين لا اختلاف عليهم يعنى
الافلام بقي
العربي
ملك وكتابه فعلا فيلم جميل
بس انا مايله لاحمد حلمى كتير جدا
وبميل كمان لسهر الليالي واوقات فراغ واحلى الاوقات والفرح والكباريه وكتييير
وبحب الابيض والاسود بيضحكنى هههههههههه
الاجنبي بقي عم الكل دة :)
انا حاسه انك هتحرقنى لو قلتلك فعلا متفرجتش علي The God father
اغمض عينى خلاص قتلتنى ولا ليسه هههههههههه
بص انا مش فاكره ولا فيلم من اللى انت كاتبه لانى غالبا بنسي الاسامى بسرعه لو الفيلم ملنكشن معايا كويس بس طبعا فاكره massage in bottle
واعتقد لاست نايت لكيرا ناتلى بس ماجش الحظ انى اتفرج عليه بقي
بس انا بحب الافلام اللى بتجسد فتره الكلاسيكيات وفي عندى تلت افلام تقريبا بالنسبه ليا مهمين جدا
Pride.and.Prejudice
emma
titank طبعا ^_^
وبحب نوعيه افلام السود اللى بتبقي متعلقه بالكنائس او العنصريه او بتكون اجتماعيه لايت
وعن ديزل واشطنطن بحب الراجل دة جدا واعتقد الفيلم اللى انت ذاكرة كان معاه بنت ممثله اصبحت شابه دوقت البنت دى بحسها بيجد هيكون ليها شأن كبير جدا بتمثل ببارعه من وهى اصغر من كده كمان ولى فيلم مع انجلينا جولى اللى كان ظابط وعاجز فيه دة فظيييع صراحتا :))
وكنت بحب لو تفتكر يعنى من ذكريات التلفزيون المصري قبل الدش بانوراما فرنسيه كانت بتجيب افلام توحفه انسي انى اقولك اسمها لان انا شخصيا ناسيتها تماما هههههههههههههههههههه
بس عجبنى البوست الرايق دة وقفت نفسي عن الرغي باعجوبه لان اكتر من كده بيجد كنت هتطردنى من هنا هههههه
المهم افتقد البوستات دى انا :))
حلو زوقك اوووووووووووي
ردحذفبحب الافلام العميقة زي ملك وكتابة وعن العشق والهوي في شقة مصر الجديدة كمان شبهم اوي
حبيبتي اعرفه طبعا لاني من عشاق فاتن حمامة وموسيقته رائعة
انغام
واصالة
منير وفيروز بالنسبلة طبعا ملهمش حل
الافلام الاجنبي
Message in bottle
رااااااع الجمال فعلا
7 pounds
ده فيلم عالمي بس كئييييييييييييب بس فكرته ملهاش حل
:))
عجبتني اختياراتك جدااا
والله يا جماعة انا مش عارف اقولكوا اية !! انتو بجد رفعتوا من روحى المعناوية جدا بكلامكم دة ,
ردحذفوعلى الرغم انى كنت اصلا كاتب البوست بنية انى ارخم عليكوا بس انتو طلعتوا اجدع منى
انا بجد بحب هنا جدا بكل محتواة :))
نورتونى كلكو واحد واحد
يا ختي و انا أموت و اتفرج الفيلم الهندو جانيتو روعة روعة قصة و دموع و غناء و إستعراضات رائعة عرض في الجزائر فترة الثمانينات و عمل نجاح باهر
ردحذفو بالطبع عاوز اتفرج على فيلم دالاس
أما الغناء هناك مطربة في فترة الثامنينات عملت أغنية رائعة أسمها ساندرا