الأربعاء، 27 نوفمبر 2013

غداً يوماً أفضل


مبدئياً و اختصاراً لكل المقدمات , اود الاعتذار لشخصى و مدونتى و لكل شخص اعتاد قراءة اى حاجه مفيدة او غير مفيده هنا , اخر بوست كتبته من حوالى شهرين و ان كانت هناك اسباب وراء الحدث فدعونى اسرد منها قليلاً

اولا : لقد تطور لدى شئياً ما لا ادركه ولكنه يقذفنى بقوة نحو اقتناع كامل اننى لست هنا ل أدون و انما ل أكتب " فرق شاسع بين الفعلين " و فى الحقيقه لا طاقه لدى ل أشرح الفرق

ثانيا : اصبح خلقى اكثر ضيقاّ من زى قبل و هذا ليس بجديد و اعتقد انكم تعرفون هذا عنى

ثالثا : مؤخرا فقدت تلك المنطقه فى عقلى التى تجعلك تتوقف عن العمل وقتما تشعر بالتعب فصرت الضم الليل بالنهار منكفياً فوق العمل و ان انقطعت العمل ف انا اقرأ عن كيفيه تطوير العمل و ان تحركت من فوق مكتبى ف انا افكر فيما قرأت و انا اعد قهوتى امام البوتجاز ثم اشرب القهوة و انا ابحث عن الافضل فى العمل و الان استراحتى انتهت و اعود الى العمل مجدداً

رابعا : العمل اصبح كثيراً

خامساً : لا يوجد خامساً ف انا لا اتفائل ب رقم خمسه

سادساً : لقد غيرت نشاطى الاكاديمى نهائيا و بلا رجعه ف انا لم اعد مهندساً بعد اليوم و ان كانت عقليتى تشكلت تماما فى اطار هندسى و لكن تبقى شهادتى الجامعيه ليست هندسيه

سابعاً : تعرضت ل مأزق عاطفي ليس لطيفاً بالمرة و ان كانت حالتى العاطفيه مستقرة نوعاً ما

ثامناً : اصبحت على قناعه كامله بأننى كائن لا يطاق حتى فى الطف حالاتى

تاسعاً : اكتشفت فى ذاتى موهبه جديده , انا قادر على الاصغاء لساعات متواصله و بدون انقطاع لو كان المتحدث/ة شخصاً احبه او احب صُحبته

عاشراً : انا مقبل على نقله مهنيه تعتبر الاصعب فى تاريخى المهنى

حداشر : فاكس انا مش هاقعد اكتب احدى عشراً و بتاع انا فاشل فى النحو اصلا D:

اتناشر : سمعتى المهنيه على المحك ( ادعيلى يا كابتن و النبى عشان انا طالع دين اهلى )

تلاتشر : سعاد ماسى مغنيه عبقريه و البشريه لسه ما انجبتش واحده زيها , و انا مكلم واحده صحبتى نحاته عشان تعملى تمثال ل سعاد عشان احطه عندى على المكتب

اربعتاشر : ارجوكم لا تأخذونى على محمل الجد ف انا شخص تعلم الضحك على كِبر

شكرا لسعه صدوركم :) 

هناك تعليقان (2):

  1. عاشراً : انا مقبل على نقله مهنيه تعتبر الاصعب فى تاريخى المهنى

    تناشر : سمعتى المهنيه على المحك ( ادعيلى يا كابتن و النبى عشان انا طالع دين اهلى )

    دوال اغرب نقطتين متناقفضين شوفتهم بس انا مدركه طبعا ان القصه اللى مش عايز تقولها ان اقبالك على شئ هينقلك نقله مهنيه اخرى قد يكون دة اللى هيخلي سمعتك المهنيه برضوا على المحك هههههههههههههههه دة اللى وصلي

    معرفش ليه اللخبطه اللى انت كاتبها والنقط اللى ممكن تكون مش واضحه هى في الحقيقه بالنسبه ليا واضحه اوى

    وبالنسبه لتغيبك عادى جداااااااااا اعتقد انى قبل ما ارجع الشهر دة اخر حاجه كتبتها من 6 او 7 شهور
    هى الكتابه وقت الضغط والخنقه وانك معندكش وقت تغزل حاجه او تغزل وجعك في اطار حكايه مش بتكون حلوة ومش بنكون مقبلين عليها اساسا

    وبس انا رغيت كتير اوى ^_^
    سعدت انى شوفت ليك حاجه برضوا ايا كانت

    ردحذف
  2. ايون انتى كدا فهمتى صح ! هى القصه كلها ان النقله دى لو ما اتعملتش صح ف سمعتى المهنيه هاتبقى فى الزبادى خالص :D

    عامه حمدالله على السلامه بردو :)

    كالعاده نورتينى

    ردحذف